urchig, gmüetlech, eifach zfride, das sy d chutzejodler gerzensee

Mir si d`Chutzejodler Gerzensee.

Üsi chlini Jodlergruppe besteit usere guet zämägwürflete `Tschuppele` Froue u Manne.

Sitt em 2009 wärde mir vom Stefan Nauer us Zollikofen gleitet. Au zwo Wuche hei mir am Mäntigabe im Musiglokal Singprob.

Nachdäm mir scho es Jahr zämä gsunge hei gha, hi mir am 17.März 2007 d`Gründig vo de Chutzejodler Gerzensee gfiiret.

Sithär hi mir scho e huufe schöni Uftritte zämä gha u o scho viu gfröits u luschtigs zämä erläbt.

Bernisch Kantonals Jodlerfescht Langnau 15.16. Juni 2024

Am Bernisch Kantonale Jodlerfest z Langnau hei mir ds Lied

s`Glück im Läbe vom Heinz Güller  dörfe vortrage.

Überglücklech si mir am Sunntig mit dr Note 1 belohnt worde.

Merci viumau üsem Dirigänt em Stefan Nauer  u aune Chutzejodler!

Es isch es wunderschöns Fescht gsy u mir his gnosse  bis id Morgestunde.

Bsunders fröit üs natürlech , dass sich üse Dirigänt dr Stefan Nauer entschide het,

o witerhin d Leitig vo üs Chutzejodler z bhaute.

MERCI STEFU !