Mir wärde gleitet vom Stefan Nauer.

Mit syre Frou u sine zwöi Ching wohnt är ds Zollikofen.

Ufgwachse isch är ds Schindellegi

im Kanton Schwyz mit 5 Brüeder u 2 Schwöschtere.

I sire Freizit geit är sehr gärn uf ds Velo u leitet ono ds Chörli Zollikofen.

Sit em Januar 2009 het

är bi üs Chutzejodler di musikalischi Leitig übernoh. Da si mir sehr glücklech drüber.

Mit syre ufgsteute Art chöi mir immer sehr effiziänti u strängi, aber o luschtegi Probe ha.

Mir möchte ihm uf däm Wäg einisch ganz härzlech danke säge, dass är au 14 Tag zu üs nach Gerzensee fahrt für mit de Chutzejodler cho z probe. We mir bime Uftritt  knapp mit Lüt si, hiuft är üs o gärn mau us.

Mir hoffe dass mir mit ihm no mängi schöni u luschtegi Prob dörfe erläbe!

Danke viu mau Steffu für di unermüedlech Isatz, diner Chutzejodler Gerzensee !